مقطع تحشيش ابو نعال

السلام عليكم

للعراقيين فقط ... اكيد اكثركم شافو الفديو الي يظهر بيه احد الشخصيات السياسية في مقابلة تلفزيونية وتطفى عليه الكهرباء .. وكلكم تاثرتهم بهذا الموقف الي حتى لو جان صدك فمحد راح يصدك بيه ... اني سويتلكم هذا المشهد شلون صار بالضبط ومنو السبب وراه .. وبما انه بعض الناس اتهموني بانه اني بعثي مع العلم اني ماانتمي الى اي جهة انتمي الى العراق فقط .. لذلك قررت استضيف احدى الشخصيات المعروفة بالبعث وهو ابو الثلج الي كلكم تعرفوه حتى يصير توازن سياسي بالفلم وهسه اني صرت مطلوب حيا او ميتا لكل الاحزاب العراقية فبشرفكم الي يعرفني خلي يستر عليه هههههههه تره الشغلة بيها علس
وطبعا اكيد البطل العراقي ابو نعال مايحب احد يجذب على العراقيين ويمثل عليه بانه الكهرباء طفت عليه فاجه وخرب الدنيا
ملاحظة : نستقبل كل انواع التعليقات من نقد بناء هدام تفليش تبليط فشار مسبات تقسيم
وبامكانكم ان تسبون اي شخص على الارض واني ماراح امسح اي تعليق واي تعليق ينمسح فمو اني مسحته ماعدا التعليقات الي فيها اساءة الى الله عز وجل وليهسه ماشفت وانشاء الله مانشوف هيج تعليقات

https://www.youtube.com/watch?v=t1nUJPfsT1U