تـعـبـت أوجـــه الـكـفـة عـلــى يْـمـيـنـي وإنــــت يــســار
تعبـت اعطـش وسـط نـارك وكــاس الـمـاي بايديـنـي
تـعـبـت اتـغــزل بـأنـثــى مــــن اكــذوبــة أبــيــك تــغــار
تـعـبـت أتـذكــر وْصـوفــك كــثــر مــــا إنــــت نـاسـيـنـي
تعـبـت مْــن التـعـب ذاتــه وأنــا احـصـل بـــه الـتـكـرار
دخـيـلـك بـــس فهـمـنـي مــتــى قــــررت تعـفـيـنـي ..؟
تـــمــــد بْــكــفـــك جْـــراحــــي وادور لــلــرضـــا أعـــــــذار
حـشــى لـــوّ الـغـلـط مــنــي ؛ مــــا فــكــرت تـرضـيـنـي
أنــا لا مــن بـكـت عيـنـي بـكــا مـــن دمـعـهـا الـكـفـار
وعينك يا عصيّ الدمـع : تضحـك ليـن تبكينـي ..!
سـهــل أتـقـمـص ادوارك واصـيــر بْحـائـطـك مـسـمــار
وازيــدك شــرخ فــوق الـشـرخ لـيــن الأرض تحـويـنـي
وش الـلـي حـدنـي اصــرخ واجـابــه قـسـوتـك بـانـكـار
ولا مني صرخت " أكرهْك " قـال الصـوت " حبينـي "
جعلت مْن الضلـوع اخشـاب ؛ وحبـك لـي شبـة نـار
ولا فْ بـالـي بتحرقـنـي بـحـبٍ سـاكــن ٍ فـيـنـي ..!
أنـــا جـهــزت لـــك قـلـبـي ؛ مـــا جـهــزت نـــرد قــمــار
لاجل تدخل بلعبة حظ : وترمـي النـرد وسنينـي ..!
سهـرت الليـل أغنـي لـك بصـوتـي أغنـيـة " تـذكـار "
بعـد مــا كـنـت أسـهـر لــك عـلـى كـاظـم "وزيديـنـي "
أنـا اللـي لا تذكـرتـك طــرت فــي داخـلـي " عشـتـار "
وصفـهـا كْـثـيـر " جلـجـامـش " كـإنــه كـــان يعنـيـنـي
رحــــلْ حــبــك وخــــلا بــــي مـــــن الـتــاريــخ والآثـــــار
أنا متحـف مـن التجريـح ؛ حضـارة دمـع فـي عينـي
أنـــا مـانــي بْـعـبــدٍ لــــك ؛ ولانــــي حــامــل الأســفــار
أنا [ ماجد ] ولي عزة ؛ ولا اسمح لك تهينيني ..!
والاغرب ما لها حاكم
ويطلع شعبها فاسد ..!